د کانونو او پټرولیم په وزارت کې د انرژي د سپما په هکله د پوهاوي ورکولو برنامه ترسره شوه
د اوبو او انرژي وزارت له لوري د انرژي د ساتنې او سپما په هکله د پوهاي ورکولو برنامه د کانونو او پټرولیم په وزارت کې ترسره شوه او په دې برنامه کې د هغه وزارت له کارمندانو سره د انرژي د سپما په تړاو د مناسبو لارو چارو په هکله اړین معلومات شریک شول.
په دغه برنامه کې د پایدارې انرژي عمومي ریاست د انرژي د اغېزمنتوب او ساتنې ریاست کارمندانو هر یو محترم انجنیر احمد ضیا فیروز د انرژي د ساتنې آمر او محترم انجنیر عبدالله موسی زي د انرژي د ساتنې متخصص د پرزنټیشن په وړاندې کولو سره په مفصله توګه د انرژي د مدیریت، د انرژي سپما د ارزښت او سپما د ډولونو په هکله ګډونوالو ته معلومات وړاندې کړل او د دغې برنامې ترسره کول یې د انرژي په هکله پوهای ورکول او د انرژي غوره دودول او اغېزمنه ګټه اخیستنه و بلله.
د یادونې وړ ده، چې د انرژي سپما د پوهاوي ورکولو برنامه د اوبو او انرژي وزارت له لوري تر دې مخکې په څو وزارتونو کې ترسره شوې او په راتلونکې کې به هم دوام ومومي.
