د اوبو او انرژي سرپرست وزیر هلمند ولایت ته ورسېدۀ.

mew-admin
Thu, May 23 2024 9:03 AM
1

د افغانستان  اسلامي امارت د اوبو او انرژي سرپرست وزیر محترم الحاج ملا عبداللطیف منصور د هېواد ولایتونو ته د خپل  روان سفر په ترڅ کې نن د هلمند ولایت ته ورسېدۀ.

نوموړي د یاد ولایت له والي مولوي صاحب عبدالرحمن، د هلمند د سیندیزې عمومي حوزې رئیس مولوي عبدالهادي هادي، د هلمند د فرعي سیندیزې حوزې له رئیس حاجي قائم صاحب او د یادې حوزې له کارمندانو سره ناسته وکړه.

دوی د هلمند د ولایت په عمومي وضعیت په تېره بیا د هلمند د انرژي سکتور، د کجکي بند د دوهم فاز ،  د یاد بند د پرچاوې په لوړولو او د هرې ولسوالي لپاره د یوۀ ، یوۀ چکډم په جوړولو باندې خبرې، اترې او د نظرونو تبادله وکړه. محترم وزیر صاحب وویل چې مونږ د خپل هیواد او خلکو خدمت ته ژمن یو او یادو مسئولینو ته یې ډاډ ورکړ چې د شته امکاناتو او متوازن انکشاف د اصل په پام کې نیولو سره به د دوی د ستونزو  د حل په موخه اړین او شوني اقدامات وشي.

غونډه د شرعي نظام د استحکام  او د هیواد د لا زیاتې سمسورتیا په دعا سره پای ته ورسېده.

User account menu