پکتیکا ولایت کې د څه باندې دیارلس(13) میلیونه افغانیو په لګښت د پنځو کوچنيو ذخیروي بندونو د جوړولو چارې پیل شوې

د پکتیکا ولایت په پنځو ولسوالیو کې د څه باندې دیارلس(13) میلیونه افغانیو په لګښت د پنځو کوچنيو ذخیروي بندونو د جوړولو چارې پیل شوې، چې نوموړې پروژې په تروې ولسوالي کې د 4402539، په وازیخواه ولسوالي کې د 1135470.36، په خیرکوټ ولسوالي کې د 3290169.2، په نکه ولسوالي کې د 2298917.7 او په چهار بران ولسوالي کې د 1928974.41 افغانیو په ارزښت پلي کیږي.

د یادونې وړ ده، چې نوموړې پروژې د اوبو او انرژي وزارت په مالي لګښت سره پلي کیږي، چې د چارو په بشپړیدو سره به یې ۴۲۵۱۱ متره مکعب اوبه ذخیره شي، چې د ځمکې لاندې اوبو دکچې په لوړېدو کې به اغېزمن رول ولوبوي او د اوبو په برخه کې به د نوموړو ولسوالیو د اوسیدونکو ډیرې ستونزې هوارې شي.