کنړ ولایت کې د صافو شولت چکډم د جوړولو چارې د پنځه میلیونه افغانیو په ارزښت پيل شوې
د کنړ سیندیزې فرعي حوزې اړوند د کنړ ولایت په نورګل ولسوالي کې د صافو شولت چکډم د جوړولو چارې د پنځه میلیونه افغانیو په ارزښت پيل شوې.
د نوموړي چکډم چارې د اوبو او انرژي وزارت په مالي لګښت د یوه کورني شرکت له لوري پرمخ وړل کېږي، چې د چارو په بشپړېدو سره به د ځمکې لاندې اوبه پیاوړي شي.
د یادونې وړ ده، چې تېره ورځ هم د کنړ سیندیزې فرعي حوزې د مسؤلینو له لوري د کنړ ولایت په شیګل او منورې ولسوالیو کې قراردادي شرکتونو ته د چکډمونو د جوړولو په موخه مشخص سیمې وسپارل شوې.
