پکتیا ولایت کې د یوه کانال د حفظ او مراقبت او د اوبو د دوو ذخیرو د پاکاري د چارو له بهیر څخه څارنه وشوه
د پکتیا د سیندیزې فرعي حوزې تخنیکي سلاکار محترم انجنیر فضل الرحیم رحیمي او مل پلاوي د پکتیا ولایت په زرمت ولسوالي کې د درنګ کانال د حفظ او مراقبت د ودانیزو چارو او د کوتي خېلو او دولتزیو د اوبو د ذخیرو د رسوباتو د پاکاري او د رسوباتو نیونکو ودانیو د جوړولو د چارو له بهیر څخه څارنه وکړه او اړوندو مسؤلینو ته یې د چارو د غوره کیفیت او چټکتیا په موخه اړینې لارښوونې وکړې.
همدارنګه، د نوموړې حوزې له لوري د پکتیا ولایت په مرکز ګردیز کې د حوض کانال او سربند د حفظ او مراقبت او د ګلبهار کانال د استنادي دېوال، په زرمت ولسوالي کې د شاگوم خېلو د اوبو وېشونکي ودانۍ او د کوچني چرنګ سربند د حفظ او مراقبت پروژو چارې روانې دي.
د نوموړو پروژو د چارو په بشپړېدو سره به د شته اوبیزو تاسیساتو ساتنه وشي د اوبو ضایعات به کم¬ او د ځمکې لاندې اوبو د پياوړتیا لامل به شي.
