په پروان ولایت کې د درې سوه شپږ دیرش زره(336000) امریکایې ډالرو په ارزښت د استنادي دېوالونو، کانالونو او سربندونو د جوړولو د شپږو پروژو چارې پیل شوې
نوموړې پروژې د پروان ولایت په مرکز او د کوه صافي او غوربند په څلورو ولسوالیو کې پلي کیږي، چې د دوه زره(2000) مترو په اوږدوالي، له یو تر پنځو مترو سور او د درې مترو په لوړوالي سره د غوربند، سالنګ او پنجشیر سیندونو په اوږدو کې د استنادي دېوالونو او د کانالونو او سربندونو جوړول شامل دي، چې د اوو میاشتو په موده کې به بشپړې شي.
د یادونې وړ ده، چې نوموړې پروژې د درې سوه شپږ دیرش زره(336000) امریکایې ډالرو په ارزښت د اف، اې، او سازمان په مالي ملاتړ، د غوربند چاریکار سیندیزې فرعي حوزې تر څارنې لاندې د آریا غوربند ودانیز شرکت له لوري پلي کیږي، چې پکې ګڼ شمیر هېوادوالو ته د کار زمنیه چمتو کیږي.
د نوموړو پروژو په پلي کېدو سره به د استوګنې ګڼ شمیر کورونه او کرنیزې ځمکې د سیلابونو له ګواښ څخه خوندي شي.
