په اوبو او انرژي وزارت کې نوې تبدیلۍ
د اوبو او انرژي وزارت د رهبري مقام د لزوم دید او د افغانستان اسلامي امارت د ریاست الوزرا عالي مقام د حکم په اساس
محترم حاجي محمدالدین " نیازی" چې له دې وړاندې یې د اوبو او انرژي وزارت د مالي او اداري عمومي رئیس په توګه دنده ترسره کوله، اوس مهال د کورني تفتیش د رئیس په توګه، محترم مفتي امیر عبدالله "جهاند" چې له دې وړاندې یې د افغانستان برېښنا شرکت د مدیره هئیت دایمي غړي په توګه دنده ترسره کوله، اوس مهال د وزارت د مالي او اداري عمومي رئیس په توګه او محترم فضل الرحمن "سعید" د کورني تفتیش مخکینی رئیس د افغانستان برېښنا شرکت د مدیره هئیت د دایمي غړي په توګه د دفتر عمومي رئیس محترم قاري محمد عبدالعزیز "عزیز" له لوري همکارانو ته وپېژندل شول.
د اوبو او انرژي وزارت د دفتر عمومي رئيس د هغوی د پېژندنې په غونډه کې، په اداراتو کې بدلون او تبدیلي یو اصل وباله د دغو تبدیلیانو موخه یې په غوره توګه د چارو اجراء او پرمختګ وبالهٔ.
هغهٔ همدارنګه په تېرو دندو کې د یادو رئیسانو کړنې وستایلې او هغوی ته یې په اوسنیو دندو کې د لا زیاتو خدمتونو د توفیق هیله وکړه.
له بلې خوا نوموړو رئیسانو هر یوه په خپل وار سره په تېرو دندو کې خپلو فعالیتونو ته په لنډې اشارې سره ژمنه وکړه چې د اوسنیو دندو په ترسره کولو کې به هم خپلې ټولې هڅې په کار اچوي.
