مونږ خپلو مسولیتونو ته ژمن یو
په خوست ولایت کې تقریباً د(۵۰) میلیون افغانیو په لګښت د اوو (۷) پروژو د بنسټ ډبره کېښودل شوه.
د یادو پروژو د پیل په مراسمو کې د اوبو او انرژي وزیر مولوي عبداللطیف منصور، مرستیال والي مولوي محمد انور دین پرور، د خوست شمل خرم فرعي سندیزې حوزې رئیس انجینر زین الله نسیمي، محمد رسول عادل او ګڼ شمیر دیني عالمانو او قومي مخورو ګډون کړی و.
ښـاغـلي وزیــر صاحب زیـاتــه کـړه، چې د هـمــکـارې مــؤسسـې FAO په مالي لګښت د اوبو او انرژي وزارت په چوکاټ کې او د خوست فرعي سیندیزې حوزې ریاست د نظارت او تخنیکي همکارۍ د خوست په دریو سیمو کې اووه پروژې تقریباً د (۵۰) پنځوس میلیونه افغانۍ په ارزښت جوړیږي.
د اوبو او انرژي وزیر ښاغلي مولوي عبداللطیف منصور د همکارې مؤسسې څخه مننه وکړه، چې د یاد وزارت سره په ګډه ولسونو ته په مختلفو برخو کې پروژې تطبیقوي.
مرستیال والي مولوي محمد انور دین پرور وویل، چې ولایتي اداره هڅه کوي چې په خوست کې د سیلاب له امله زیانمنو خلکو سره په مختلفو برخو کې همکاري وکړي، چې دا پروژې هم د همغه همکاریو لړۍ ده
د خوست سیندیزې حوزې رئیس انجینر زین الله نسیمي وویل، چې د یادو پروژو په تطبیق سره به ۱۶۶۰ متره د ګبیون په واسطه استنادي دیوالونه جوړ او ۱۸۷۰ جریبه زراعتي ځمکه به د سیلابونو له تخریب څخه خوندي شي.
نوموړي وویل، یادې پروژې چې شمل خوړ،متون خوړ، او سپېره ولسوالۍ کې تطبیق کیږي په نوموړي پروژو کې به تقریباً ۳۰۰۰ ماهر او غېر ماهر کسان په مستقیمه توګه مصروف وي.
