لوګر ولایت کې د ۱۰۰ میګاواټه لمریزې برېښنا د تولید په وړتیا د تولیدي پلانټ جوړولو په موخه سروې ترسره کېږي
د اوبو او انرژي وزارت د نوي کېدو وړ انرژي رئيس محترم انجنیر جان محمد حمزه او ورسره مل پلاوي او د چینایي دونګ فنګ شرکت مسؤلینو د لوګر له مرستیال والي محترم مولوي محمد انور دین پرور سره په نوموړي ولایت کې د ۱۰۰ میګاواټه لمریزې برېښنا د تولید په وړتیا د تولیدي پلانټ جوړولو د سروې په موخه وکتل.
په دغه لیدنه کې، ښاغلي حمزه د برېښنا د ارزښت په هکله خبرې وکړې او زیاته یې کړه، چې لوګر ولایت ته یې د سفر موخه د ۱۰۰ میګاواټه لمریزې برېښنا د تولید په وړتیا د تولیدي پلانټ جوړولو لپاره د سروې ترسره کول دي او په دې برخه کې یې د ولایت مقام د همکارۍ غوښتنه وکړه.
په ورته مهال، د لوګر مرستیال والي د اوبو او انرژي وزارت له دغه اقدام څخه خوښۍ څرګنده کړه او په دې برخه کې یې د اړینې همکارۍ ډاډ ورکړ.
