فاریاب ولایت کې د جانقرې کانال جوړونې او پاکاري چارې ۵۰ سلنه پرمخ تللې دي
د فاریاب د اوبو او انرژي ریاست مسؤلینو د فاریاب ولایت په شیرین تګاب ولسوالي کې د جانقرې کانال جوړونې او پاکاري چارو له بهیر څخه څارنه وکړه او اړوندو مسؤلینو ته یې د چارو د چټکتیا او غوره پرمخ وړلو په موخه اړینې لارښوونې وکړې.
د نوموړې پروژې چارې چې د ۷۵ زره او ۲۴۱ اعشاریه ۰۱ ډالرو په لګښت چې معادل یې ۵ میلیونه، ۱۹۱ زره او ۶۲۹ اعشاریه ۶۹ افغانۍ کیږي، د ایف، اې، او موسسې په مالي لګښت د فاریاب د اوبو او انرژي ریاست تر څارنې لاندې پرمخ وړل کېږي، ۵۰ سلنه بشپړې شوې دي.
