غور ولایت کې د جوړ شوو چکډمونو د کاسو ۶۰ سلنه له اوبو ډکې شوې دي
تېر کال کې د غور ولایت په ۱۱ ولسوالیو کې د چکډمونو ۱۲ پروژې د ۵۰ میلیونه، ۱۹۳ زره او ۵۴۸ افغانیو په لګښت د اوبو او انرژي وزارت له بودجې څخه د غور ولایت د اوبو او انرژي ریاست تر څارنې لاندې پلي شوې، چې د جوړ شوو چکډمو د کاسو ۶۰ سلنه له اوبو ډکې شوې دي.
نوموړي چکډمونه چې په ټوله کې د ۳۸ زره او ۱۳۰ متره مکعب اوبو د زېرمه کولو وړتیا لري، د موسمي واورې او باران اوبو د زېرمه کولو، د ځمکې لاندې اوبو د پياوړتیا او د سیلابونو د خطراتو د کمولو په موخه جوړ شوي دي.
