غزني ولایت کې د اوبو رسولو یوې شبکې د بیارغونې چارې د ۳۰ زره ډالرو په ارزښت پیل شوې
د غزني ولایت د ده یک ولسوالي د رباط کلي د اوبو رسولو شبکې د بیار غونې چارې د ۳۰ زره آمریکایي ډالرو په ارزښت د غزني ولایت د ولاړو اوبو ریاست تر څارنې لاندې د ډې، آر، سې موسسې په مالي لګښت پیل شوې.
د نوموړې اوبو رسولو شبکې د بیارغونې چارې به د یوې میاشتې په موده کې بشپړې او ۲۵۰۰ کورنۍ ورڅخه برخمني شي.
د یادونې وړ ده، چې دغه د اوبو رسولو شبکه په ۱۹۹۷ زيږدیز کال کې د ډاکار او یو، این، ایچ، سې، آر موسسو له لوري جوړه شوې او اوسمهال یې ډیرې برخې ورانې شوې دي.
