د کجکي بند د دویم فاز دویمې برخې چارې 10 سلنه بشپړې شوې دي

په هلمند ولایت کې د کجکي بند دویم فاز پروژه د اوبو او انرژي وزارت یوه له سترو پروژو څخه ده، چې اوسمهال یې د دویمې برخې چارې، چې د خدماتي پرچاوي جوړول، د هغې د دروازو نصبول او د اضطراري پرچاوې جوړول پکې شامل دي، 10 سلنه بشپړې شوې دي.

د یادونې وړ ده، چې د کجکي بند د دویم فاز د لومړۍ او دویمې برخې د چارو په بشپړېدو سره به د نوموړي بند د اوبو زیرمه کولو وړتیا له یو میلیارد متره مکعب څخه 2.02 میلیارد متره مکعب ته، د اوبولګولو وړتیا له  100000 هکتاره څخه 276000 هکتارو ته او د برېښنا د تولید وړتیا به له 51 میګاواټو څخه 151 میګاواټو ته لوړه شي.

 په یاده پروژه کې ګڼ شمیر د سیمې اوسیدونکو ته په مستقیمه او غیر مستقیمه توګه د کار زمینه چمتو شوې ده، چې د چارو په بشپړېدو سره به یې د هلمند او کندهار ولایتونو اوسیدونکي له برېښنا څخه برخمن شي.