د ځمکې لاندې اوبو سرچینو د ریاست کارکوونکو د وړتیا لوړولو په موخه درې ورځنی ښوونیز پروګرام پیل شو
دغه ښوونیز پروګرام د اوبو او انرژي وزارت، د اوبو سرچینو عمومي ریاست تر چتر لاندې د ځمکې لاندې اوبو سرچینو د ریاست له لوري، د یونیسف د محترمې مؤسسې په تخنیکي همکاري، د ځمکې لاندې اوبو سرچینو ریاست د کارکوونکو لپاره پیل شو.
په دغه ښوونیز پروګرام کې د انجنیري کمپیوټري پروګرامونو په کارولو سره د ځمکې لاندې اوبو سرچینو د شننې، هایدروجیولوجیکي نقشو جوړونې او راپورونو د چمتو کولو اړین موضوعات د یوه تن نړیوال متخصص له خوا، د یاد ریاست انجنیرانو ته په عملي توګه ښوونه ورکول کېږي.
د یادونې وړ ده چې د دغه پروګرام د ترسره کولو موخه، د کارکوونکو د تخنیکي وړتیا لوړول او په هېواد کې د ځمکې لاندې اوبو سرچینو د مدیریت ښه والی دی.
