د پنج آمو عمومي حوزوي رئيس د تخار له والي سره په کندز ولایت کې د اوبو کموالي د ستونزې په هکله خبرې، اترې وکړې
د پنج آمو عمومي حوزوي رئيس محترم مولوي عبدالحکیم حاجي حکمت تخار ولایت ته د خپل سفر په ترڅ کې د تخار له والي او د دغه ولایت د اوبو او انرژي له رئيس سره وکتل او د کندز ولایت د خان آباد، اقتاش او قلعه ذال ولسوالیو کې د اوبو کموالي ستونزې د هوارولو په هکله بحث او د اندونو تبادله وکړه.
په دغه لیدنه کې، پرېکړه وشوه چې د اوبو پنځه ورځنی وېش جوړ شي، چې په پایلې کې به یې د کندز ولایت د اړوندو ولسواليو کرنیزې ځمکې په بشپړ ډول خړوبې شي.
