د هرات د ولایتي انرژي کمېټې ناسته ترسره شوه
دغه ناسته د هرات د والي محترم مولانا نوراحمد اسلام جار تر مشري لاندې د هریرود- مرغاب سیندیزې حوزې عمومي رئيس محترم مولوي سید عبدالسلام مستوفي آغا او د انرژي کمیټې د نورو غړو په شتون کې ترسره شوه.
په دغه ناسته کې، د خلکو او رسمي او غیر رسمي ارګانونو د پانګونو د جذب د طرحې او د لمر د طبیعي رڼا سرچینو څخه د ګټې اخیستنې په موخه د خلکو د هڅونې او ښارې شبکې ته د کورونو اضافې برېښنا د تزریق په هکله بحث او د اندونو تبادله وشوه.
د یادونې وړ ده، چې نوموړې طرحه د ناستې د غړو له لوري تائید شوه او د لا زیاتې څېړنې او اجراکولو لپاره متخصصینو ته وسپارل شوه، ترڅو په راتلونکي ناسته کې خپل اندونه وړاندې کړي.
