د هرات د ولایتي انرژي کمیټې ناسته په یاد ولایت کې د برېښنا انرژي د تولید د یو شمېر موضوعاتو د څېړلو په هکله ترسره شوه
دغه ناسته چې د یادې کمیټې د رئيس محترم مولوي سید عبدالسلام مستوفي آغا تر مشري لاندې او د کمیټې د ټولو غړو په ګډون ترسره شوه، د برېښنا انرژي د تولید فابریکې د جوړولو، په هرات ولایت کې د برېښنا انرژي د تولید د سهامي شرکت جوړولو چارو د پرمختګ، د هریرود- مرغاب سیندیزې عمومي حوزې لپاره د لمریزې برېښنا د تولید د لومړنۍ څېړنې سروې د چارو( د لمریزې برېښنا د تولید لپاره د پروپوزل چمتوکولو) په هکله بحث او د اندونو تبادله وشوه.
د یادو موضوعاتو په هکله تر بحث او د اندونو تر تبادلې وروسته، ښاغلي مستوفي آغا د کمیټې غړو ته مشخصې دندې وسپارلې او د چارو پر عملي پيل باندې یې ټینګار وکړ.
