د شمال او پنج آمو سیندیزو عمومي حوزو د انجنیرانو لپاره د ظرفیت لوړونې ورکشاپ ترسره شو
د شمال او پنج آمو سیندیزو عمومي حوزو د انجنیرانو لپاره د اوبو پر سرچینو باندې د اقلیمي بدلونونو د اغیزو د ارزولو او د سیلابونو او وچکالیو د وړاندوینې په برخه کې د ظرفیت لوړونې ورکشاپ د شمال سیندیزې عمومي حوزې د غونډو په تالار کې د نوموړې حوزې د عمومي رئيس انجنیر رفیع الله مجتبی په شتون کې ترسره شو.
د شمال سیندیزې حوزې عمومي رئيس د انجنیرانو د ظرفیت لوړولو په برخه کې ددې ډول ورکشاپونو ترسره کول ارزښتناک وبلل او له ټولو انجنیرانو څخه یې وغوښتل، چې د خپلو زده کړو څخه دې په کاري ساحه کې په سمه توګه ګټه واخلي.
