د ترکي شرکتونو د یوې ډلې استازو د اوبو او انرژي په پروژو کې د پانګونې لپاره لېوالتیا څرګنده کړه
د اوبو او انرژي وزارت د پانګونې د جذب رئيس محترم انجنیر داد محمد زرمتي د خپل کار په دفتر کې د شپږ ترکي شرکتونو له یو شمېر استازو سره وکتل.
په دغه لیدنه کې، د ترکي شرکتونو استازو له بېلابېلو سرچینو څخه د انرژي د تولید او په افغانستان کې د اوبو د مدیریت په پروژو کې د پانګونې لپاره لېوالتیا څرګنده کړه.
د اوبو او انرژي وزارت د پانګونې د جذب رئيس په پروژو کې د پانګونې د بهیر په هکله اړین معلومات له هغوی سره شریک کړل او ډاډ یې ورکړ، چې اوسمهال په افغانستان کې له هره پلوه د پانګونې لپاره زمینه چمتو ده او دغه وزارت هم د اوبو او انرژي په پروژو کې د پانګوالو د پانګونې هر کلی کوي.
