د بېلابېلو موضوعاتو د څېړلو په هکله د انرژي معینیت اداري او تخنیکي ناسته ترسره شوه
یاده ناسته د اوبو او انرژي وزارت د انرژي معین محترم ملا عبدالقاهر ادریس تر مشرې لاندې د رئيسانو او د یاد معینیت د تخنیکي مسؤلینو په ګډون ترسره شوه.
په دې ناسته کې د څو اړینو اداري او تخنیکي موضوعاتو لکه: د انرژي مدیریت د طرحې د وروستي کولو، دکلیو پراختیا وزارت سره د انرژي د تولید د وړو پروژو د پلې کولو په هکله د همغږیو د پایلو څېړلو او له څېړنیزو ټاورنو څخه د معلوماتو د را ټولولو په هکله د اجراآتو راپور د څېړلو او نورو اړوندو موضوعاتو لکه د ټاورونو نصبولو، لېږد او ترمیم په هکله بحث او د اندونو تبادله وشوه.
د اوبو او انرژي وزارت د انرژي معین محترم ملا عبدالقاهر ادریس د یادو موضوعاتو تر هر اړخیزې څېړنې وروسته، د چارو دغوره پرمخ وړلو په پار اړوندو مسؤلینو ته مشخصي دندې وسپارلې.
