د برېښنا مارکیټ سوداګریز رئيس او ورسره مل ټیم د برېښنا انرژي په برخه کې د فعالو شرکتونو د پېژندنې او د فعالیتو د ارزونې په موخه پکتیا ولایت ته سفر وکړ
د برېښنا مارکیټ سوداګریز رئيس محترم حاجي دولت خان حقیار او ور سره مل تخنیکي ټيم د برېښنا انرژي په برخه کې د فعالو شرکتونو د پېژندنې ، د هغوی د فعالیتونو د ارزونې او د دغه شرکتونو د فعالیتونو د قانوني کېدو په موخه پکتیا ولایت ته سفر وکړ.
ښاغلي حقیار او ورسره مل ټیم په دغه سفر کې دپکتیا له مرستیال والي او د پکتیا ولایت د اوبو او انرژي رئيس محترم ملا عبدالکریم فاتح سره وکتل او د پکتیا ولایت د برېښنا انرژي اوسنی وضعیت او په دې برخه کې شته فرصتونه، ننګونې او د تر کار لاندې پروژو په هکله بحث وکړ او د هغو شرکتونو لپاره چې د برېښنا انرژي چوپړتیاوې وړاندې کوي، د جواز په ترلاسه کولو باندې ټینګار وکړ.
همدارنګه، نوموړو مسؤلینو په دغه سفر کې په زرمت او څمکني ولسوالیو کې د دوو خصوصي شرکتونو فعالیتونه و څېړل، ترڅو د سټنډردونو څخه ډاډ تر لاسه کړي.
