د اوبو معینیت په اونیزه تخنیکي ناسته کې د سطحي اوبو او ځمکې لاندې اوبو سرچینو ریاستونو د کړنو راپور و ارزول شو
دغه ناسته د اوبو او انرژي وزارت د اوبو معین محترم مجیب الرحمن عمر آخندزاده تر رهبري لاندې د دغه معینیت د رئيسانو، سلاکارانو او متخصصینو په شتون کې ترسره شوه.
د دغې ناستې په بهیر کې د د سطحي اوبو او ځمکې لاندې اوبو سرچنیو ریاستونو د ۱۴۰۲ لمریز کال د کړنو راپور او د ۱۴۰۳ لمریز کال کاري پلان تر ارزونې لاندې ونیول وشو او د اجراآتو د څرنګوالي او په دې برخه کې د شته ننګونو د هوارولو په هکله بحث او د اندونو تبادله وشوه.
همدارنګه د اوبو معینیت په دغه اونیزه تخنیکي ناسته کې د آمو سیند د څنډو د تحکیماتو په هکله هم خبرې، اترې وشوې او اړین تصمیمونه ونیول شول.
د اوبو محترم معین د نوموړو موضوعاتو په هکله د رئيسانو او متخصصیونو د اندونو او وړاندیزونو تر اورېدلو وروسته، د چارو د غوره پرمخ وړلو په هکله اړوندو مسؤلینو ته اړینې لارښوونې وکړې او د کاري پلان په جوړولو کې د مشخصې موخې پر درلودولو باندې یې ټینګار وکړ.
