د اوبو او انرژي وزارت سرپرست د چین سفارت له تجارتي او اقتصادي مسؤول سره وکتل
د اوبو او انرژي سرپرست وزیر محترم الحاج ملا عبداللطیف منصور په افغانستان کې د چین سفارت له تجارتي او اقتصادي مسؤول ښاغلي ماچنګوانګ او د پاور چاینا شرکت له مسؤولینو سره وکتل.
په دغه لیدنه کې دواړو خواوو په افغانستان کې د انرژي د تولید د پروژو د پلي کولو په هکله د ګډې همکاري په اړه بحث او د اندونو تبادله وکړه.
د اوبو او انرژي سرپرست وزیر هغوی ته د دغه وزارت له لوري د انرژي د تولید د پروژو په پلي کولو او د پانګونې د زمینې د برابرولو په برخه کې د هر ډول همکاري ډاډ ورکړ او په عملي ډول د ګډې همکاري د پیل پر چټکتیا باندې یې ټینګار وکړ.
له بلې خوا د چین سفارت اقتصادي مسؤول وعده وکړه چې چین هېواد په افغانستان کې له بېلابېلو سرچینو څخه د انرژي د تولید د پروژو په پلي کولو کې ژمن دی او په نږدې راتلونکي کې به په دې هکله عملي ګامونه پورته کړي،
