د اوبو او انرژي وزارت د دعوت او ارشاد رئيس کاپيسا ولایت ته سفر وکړ

د اوبو او انرژي وزارت د دعوت او ارشاد رئيس محترم مولوي ګل رحمن عارف کاپیسا ولایت ته سفر وکړ او د کاپیسا د اوبو او انرژي له رئيس محترم انجنیر کاوه خروش سره وکتل.

په دغه لیدنه کې، د امر باالمعروف او نهي عن المنکر قانون د پلي کولو، د ښوونیز نصاب د تدریس، د امیر د اطاعت او یو شمېر نورو موضوعاتو په هکله بحث او د اندونو تبادله وشوه.

همدارنګه، د دعوت او ارشاد رئيس اړوندو مسؤلینو ته لارښوونه وکړه، چې د روانې اونۍ په بهیر کې دې د قربانۍ احکام او آداب تدریس شي او د سیرت النبي صَلَّی اللهُ عَلَیْهِ وَسَلَّم کتاب ۱۵ ټوکه یې د کاپيسا د اوبو او انرژي ریاست ته ورکړه، ترڅو پر کارمندانو باندې ووېشل شي.