د اوبو او انرژي سرپرست وزیر صاحب د خاتم الانبیاء دارالایتام له کاري بهیر څخه لیدنه وکړه.
د افغانستان د اسلامي امارت د اوبو او انرژي سرپرست وزیر محترم الحاج ملا عبداللطیف "منصور" نن د پکتیا ولایت په زرمت ولسوالي کې د خاتم الانبیاء دارالایتام د ودانۍ له کاري بهیر څخه لیدنه وکړه. نوموړی دارالایتام چې د محترم منصور صاحب له خوا په ١٤٤١ ه.ق کال کې تاسیس شوی، او ١٢٠ تنه یتیمان پکښې په دیني او عصري زده کړو بوخت دي، د ترکیی د ادیف خیریه بنسټ له لوري یې ودانۍ په پاخه او اساسي ډول جوړېږي چې چارې یې ٧٠ سلنه پر مخ تللې دي.محترم وزیر صاحب د دارالایتام د ودانۍ له کاري بهیر څخه ډاډ څرګند کړ، او قراردادي شرکت ته یې لارښوونه وکړه چې د دارالایتام د ودانۍ چارې له قرارداد سره سمې پر مخ یوسي.
