د اوبو او انرژي سرپرست وزیر د ګلبهار انویست شرکت له رئيس سره له ګازو څخه د برېښنا د تولید په پروژه کې د پانګونې په هکله خبرې وکړې
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د ګلبهار انویست شرکت له رئيس محترم ګلبهار حبیبي سره وکتل او له ګازو څخه د برېښنا د تولید په پروژه کې د هغه شرکت د پانګونې په هکله بحث او د اندونو تبادله وکړه.
په دغه لیدنه کې، دواړو لورو د دغې پانګونې لپاره د زمینې د چمتو کولو په موخه د اړوندو ادارو ترمنځ د اړینې همغږۍ په رامنځته کولو باندې ټینګار وکړ.
د اوبو او انرژي سرپرست وزیر د نوموړي شرکت مسؤلینو ته د دغه وزارت د همکاري په هکله ډاډ ورکړ او یادونه یې وکړه، چې د چارو د انسجام او چټکتیا لپاره غوره ده چې د اړوندو ادارو ترمنځ څو اړخیز هوکړه لیک لاسلیک شي؛ ترڅو د هغه پر بنسټ د هر بنسټ مسؤلیت په واضح او کره توګه مشخص او له هغه سره سم اړین اقدامات تر لاس لاندې ونیول شي.
