د اوبو او انرژي سرپرست وزیر د پکتیا ولایت له مشرانو سره د مچلغو بند د پروژې او په هغه ولایت کې د برېښنا رسونې د پروژو په هکله خبرې وکړې
د اوبو او انرژي سرپرست وزیر محترم الحاج ملا عبداللطیف منصور د پکتیا ولایت له یو شمېر مشرانو سره وکتل. په دغه لیدنه کې د نوموړي ولایت مشرانو په هغه ولایت کې د مچلغو بند د پروژې او د برېښنا رسونې د پروژو د پلي کولو غوښتنه وکړه.
د اوبو او انرژي سرپرست وزیر د پکتیا ولایت مشرانو ته ډاډ ورکړ، چې د مچلغو بند د دغه وزارت په راتلونکي پلان کې شامل دی او اوسمهال د پروژې د اسنادو پر ارزولو باندې اړینې اروزنې روانې دي.
ښاغلي منصور د نوموړي ولایت مشرانو ته ډاډ ورکړ، چې د مچلغو بند چارې به په راتلونکي کال کې د اړینو امکاناتو په چمتو کېدو سره پیل شي.
