د اوبو او انرژي سرپرست وزیر د فاریاب له والي سره په هغه ولایت کې د اوبو او انرژي د پروژو په هکله خبرې وکړې
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د فاریاب له والي محترم مولوي عبدالاحد فضلي سره وکتل او په هغه ولایت کې یې د اوبو او انرژي د پروژو په هکله خبرې وکړې.
په دغه لیدنه کې، د فاریاب والي د هغه ولایت د خلکو ستونزو او اړتیاوو ته په اشارې سره د دهن درې بند د جوړولو، د المار بند د جوړولو او په هغه ولایت کې یې د یو شمېر نورو پراختیايي پروژو د پلي کولو غوښتنه وکړه.
د اوبو او انرژي سرپرست وزیر د فاریاب والي ته ډاډ ورکړ، چې د دهن درې بند د جوړولو پروژه د دغه وزارت په کاري لومړیتوبونو کې ځای لري او ان شاالله په راتلونکي کې د بودجوي امکاناتو په چمتو کېدو سره به یې چارې پيل شي.
