د اوبو او انرژي سرپرست وزیر د سرپل ولایت د سیندیزې فرعي حوزې لهٔ کارمندانو او د یاد ولایت د ځایي مسؤولینو او قومي مشرانو سره وکتل
د اوبو او انرژي سرپرست وزیر الحاج ملا عبداللطیف “منصور” د سرپل ولایت د سیندیزې فرعي حوزې لهٔ مسؤولینو او کارمندانو او د یاد ولایت د ځایي مسؤولینو او قومي مشرانو سره په داسې حال کې چې د شمال سیندیزې حوزې عمومي رئیس انجنیر رفیع الله مجتبی او د سرپل سیندیزې فرعي حوزې رئیس قاري روح الله نظامي یې ملتیا کوله، ولیدل.
په یاده لیدنه کې د اوبو او انرژي سرپرست وزیر د یادې حوزې د مسؤولینو، کارمندانو او یاد ولایت قومي مشرانو وړاندیزونه، غوښتنې او مشکلات واوریدل، او د سرپل ولایت لپاره د بندونو، کانالونو او چېک ډېمونو په هکله یې بحث او د اندونو تبادله وکړه.
همدارنګه د یاد ولایت مسؤولینو او قومي مشرانو د وزیر صاحب لهٔ راتګ څخه خوښي څرګنده کړه، او ښه راغلاست یې ورته وویل.
په ورته مهال، د اوبو او انرژي سرپرست وزیر د خبریالانو پوښتنو ته ځوابونه وویل او یادو مسؤولینو او قومي مشرانو د اوبو او انرژي له سرپرست وزیر څخه د شته امکاناتو او متوازن انکشاف په پام کې نیولو سره د دوی مشکلاتو او غوښتنو ته د رسیدګي ډاډ ورکړ.
په پای کې، د اوبو او انرژي سرپرست وزیر د یادې حوزې مسؤولینو ته د دوی د مسؤولیتونو او ورځني کارونو په أړه أړینې سپارښتنې وکړې، او پهٔ خپلو چارو کې ورته د لا پیاوړتیا په پار دعا وکړه.
