د اوبو او انرژي سرپرست وزیر د خوست له والي سره په هغه ولایت کې د اوبو او انرژي پروژو په هکله خبرې، اترې وکړې

د اوبو او انرژي سرپرست وزیر محترم الحاج ملا عبداللطیف منصور د خوست له والي محترم مولوي عبدالقیوم روحاني سره د خوست د اوبو انرژي د رئيس محترم مولوي عبدالقیوم ثابت په شتون کې وکتل او په هغه ولایت کې د اوبو او انرژي پروژو د پلي کولو په هکله بحث او د اندونو تبادله وکړه.

په دغه لیدنه کې، د خوست والي او د اوبو او انرژي رئيس په دغه ولایت کې د اوبو او انرژي د لا زیاتو پروژو د پلي کولو غوښتنه وکړه.

په ورته مهال، د اوبو او انرژي سرپرست وزیر په دغه لیدنه کې وویل، چې په نږدې راتلونکې که به په خوست ولایت کې د یو لوی بند جوړولو چارې پیل شي او هغوی ته یې ډاډ ورکړ، چې په دغه ولایت کې به د اوبو او انرژي لا زیاتې پروژې د شته امکاناتو او متوازنې پراختیا په پام کې نیولو سره پلي شي.

همدارنګه، د اوبو او انرژي سرپرست وزیر د خوست ولایت د اوبو او انرژي ریاست کړنې مثبتې و ارزولې.