بلخ ولایت کې د قره تیرې بند د سروې او د مطالعاتو د امکان سنجي په هکله بحث او د اندونو تبادله وشوه
د شمال سیندیزې حوزې عمومي رئيس محترم انجنیر رفیع الله مجتبی د اوبو او انرژي وزارت له تخنیکي ټیم سره وکتل او د بلخ ولایت د لاندني او پورتني دره صوف په کشنده ولسوالي کې د قره تیرې بند د سروې او د مطالعاتو د امکان سنجي د ترسره کولو په هکله بحث او د اندونو تبادله وکړه.
په دغه لیدنه کې، د نوموړې حوزې عمومي رئيس د وزارت تخنیکي ټیم ته د نوموړي بند د سروې او د مطالعاتو د امکان سنجي د ترسره کولو په برخه کې د هر راز همکارۍ ژمنه ورکړه او په دې هکله یې اړوندو مسؤلینو ته اړینې لارښوونې وکړې.
