کابل ښار ته د پنجشیر او شاه او عروس بند د اوبو د لېږد پروژې د طرحې د وروستي کولو او غني کولو په موخه د همغږي ناسته ترسره شوه
یاده ناسته د اوبو او انرژي وزارت د اوبو معین محترم مجیب الرحمن عمر آخندزاده تر مشرې لاندې د اوبو رسولو ریاست د مسؤلینو او د اوبو او انرژي، کلیو پراختیا، کرهڼې، اوبو لګولو او مالداري وزراتونو د تخنیکي انجنیرانو په ګډون د اوبو او انرژي وزارت د اوبو معینیت د غونډو په تالار کې ترسره شوه.
په یاده ناسته کې، د کابل ښاریانو لپاره د څښاک اوبو د برابرولو په موخه له پنجشیر سیند او د کابل ولایت په شکر درې ولسوالي کې د شاه او عروس بند د طرحې د وروستي کولو او غني کولو په هکله بحث او د اندونو تبادله وشوه.
د اوبو ښاغلي معین د کابل ښاریانو لپاره د څښاک اوبو د برابرولو د طرحې د چارو د وروستي کولو او غني کولو په موخه اړین هدایات او سپارښتنې وکړې.
