ډير ژر به د کونړ ولایت د ساګي د بند ډيزاین چارې پيل شي
د اوبو د چارو د تنظیم ملي ادارې عمومي رئيس او د انرژي خدماتو ادارې سرپرست، ښاغلي انجینر خان محمد تکل په ولسي جرګه کې د کونړ ولایت د خلکو استازي ضياءالرحمن کشمیر خان سره په یاد ولایت کې د اوبو د پراختیايی پروژو په اړه خبرې وکړې.
په دغه لیدنه کې په کونړ ولایت کې د اوبو د چارو د تنظیم ملي ادارې د پراختيايی پروژو او په ځانګړي ډول د ساګي د بند د پروژې په اړه خبرې وکړې.
د اوبو د چارو د تنظیم ملي ادارې عمومي رئيس د کونړ ولایت استازي ته ډاډ ورکړ چې په لنډ وخت کې به د ساګي د بند د ډيزاین چارې پيل شي او وروسته به یې د کار عملي چارې پيل شي.
