پکتيکا ولايت کې د څلورو چکډمونو پروژې د نږدې څوارلس میلیونه افغانیو په لګښت ګټې اخیستنې ته وسپارل شوې
پکتیکا ولایت کې د څلورو چکډمونو پروژو چارې بشپړې شوي چې د اوبو او انرژی وزارت په مالي لګښت سره د پکتیکا ولایت په بېلابېلو ولسوالیو کې د 13764702.18 دیارلس میلیونه او اوه سوه څلور شپېته زره او اوه سوه دوه اعشاریه اتلس افغانیو بودیجې سره سرته رسېدلې دي.
نوموړي چکډمونه د اوبو او انرژي وزارت له پراختیایي بودیجې څخه د دوو کورنیو شرکتونو له لورې چې د ګومل فرعي سیندیزې حوزې له لورې یې څارنه کېدله، پر مخ وړل کیدلې، چې په ټولیزه توګه د 83501.11 مترمکعب اوبو د ذخیزه کولو ظرفیت لري
دغه چکډمونه عبارت دي له: د نعمت آباد ولسوالۍ د ماشین قریې چکډم، د یوسف خېل ولسوالۍ د ترخه چکډم، د برمل ولسوالۍ د فقیران چکډم او د تروې ولسوالۍ د بوزه چکډم.
