په کندهار ولایت کې د ظاهر شاهي کانال د پاکاري چارې پيل شوې
په کندهار ولایت کې د ظاهر شاهي کانال د پاکاري چارې د کندهار والي ښاغلي حاجي محمد یوسف وفا، د ارغنداب سیندیزې فرعي حوزې رئیس ښاغلي ملا سید محمد شرافت او د یاد ولایت د یو شمېر نورو سیمه ییزو مسؤلینو په شتون کې پيل شوې.
د یاد کانال د چارو په پرانیست غونډه کې د ارغنداب سیندیزې فرعي حوزې رئيس ښاغلي ملا سید محمد شرافت وویل چې ظاهر شاهي کانال ۷۹ کیلومتره اوږدوالی او ۴ متره ژوروالی لري، چې د تېرو سیلابونو له امله د رسوباتو، خاورو او جغلو څخه ډک شوی او پکي په سم ډول د اوبو د تېریدو وړتیا نشته او د پاکاري چارې یې د عالیقدر امیرالمؤمنین شیخ هبةالله حفظهالله د ځانګړي لارښوونې په اساس د «مشرتابه د بېړنیو خدماتو» په نوم د جوړي شوي کمېټې له لوري رسما پيل شوې.
