په پکتیکا ولایت کې د انرژي ولایتي کمیټه جوړه شوه
د پکتیکا ولایت د انرژي ولایتي کمیټه جوړه او لومړنی غونډه یې د ګومل سیندیزې فرعي حوزې رئیس قاري فتح محمد ذاکر او د یادې کمیټې د غړو په شتون کې ترسره شوه.
په یاده غونډه کې د پکتیکا ولایت د انرژي کمیټې غړو، قاري فتح محمد ذاکر د یادې کمیټې د رئیس په توګه وټاکۀ.
د غونډې په دوام کې، قاري فتح محمد ذاکر د پکتیکا ولایت لرې پرتو سیمو ته د برېښنا پر رسولو ټینکار وکړ او په دې برخه کې یې پانګه والو ته د هر راز همکاري ډاډ ورکړ.
د یادې غونډې په پای کې د سویل ختیځ زون د انرژي آمر له خوا د انرژي کمیټې غړیو د مسئولیتونو په هکله پرزنټیشن وړاندې شو.
