په پنجشیر ولایت کې د ۳۴ واټر شیډونو او چکډمونو چارې د څه باندې ۱۸۱ زره آمریکایي ډالرو په ارزښت پيل شوې
په پنجشیر ولایت کې د ۳۴ واټر شیډونو او چکډمونو چارې د یو سلو یو اتیا زره او پنځه سوه دوه نوې (181592) آمریکایي ډالرو په ارزښت د پورتني پنجشیر- بازارک سیندیزې فرعي حوزې رئيس محترم مولوي فضل الله عادل، په پنجشیر ولایت کې د ناروي کمېټې د مسؤل او یو شمېر سیمه ییزو مسؤلینو په شتون کې پيل شوې.
د نوموړو پروژو چارې د نوموړي ولایت په مرکز ، شتل، عنابه او رخه ولسوالیو کې د ناروي کمېټې په مالي ملاتړ د سیلابونو د مدیریت او د ځمکې لاندې اوبو سرچینو د مدیریت په موخه پلي کېږي.
