په پروان ولایت کې د ځمکې لاندې اوبو کچه ۴۰ سانتی متره پورته شوې ده
د غوربند- چاریکار سیندیزې فرعي حوزې مسؤلینو د پروان ولایت په مرکز کې د ځمکې لاندې اوبو اندازه ګیري ترسره کړه.
له څارنیزو څاګانو څخه د راټول شوو ارقامو پر بنسټ د پروان ولایت په مرکز چاریکار کې د درې میاشتو مخکې په پرتله د اوبو کچه ۴۰ سانتي متره لوړه شوې ده.
په چاریکار کې د اوبو د کچې د لوړېدو عوامل موسمي اورښتونه، د خپل سرو څاګانو د کېندلو مخنیوی، د ځمکې لاندې اوبو د تغذیې لپاره د جذبي څاګانو کېندل او د ځمکې لاندې اوبو د کړنلارې د پلي کولو سالم مدیریت دی.
