په هیواد کې د اوبو مدیریت په لور یو بل مثبت ګام؛ په اوبو او انرژۍ وزارت کې د عام المنفعه ۶ پروژو قراردادونه لاسلیک شول
د اوبو او انرژۍ وزارت سرپرست ښاغلی انجنیر محمد گل خُلمی نن ( د ۱۳۹۸ کال د لیندی ۱۰ نیټه) له خصوصي شرکتونو سره د ټولګټو ۶ پروژو قراردادونه ( د کانالونو د بیارغونې او د سواحلو د تحکیماتو پروژې) د ۴۰۰ ملیونه افغانیو په ارزښت لاسلیک کړ.
ښاغلی خُلمی په هېواد کې د اوبو مدیریت د ارزښت او اړتیا په اشارې سره وویل: ." دا پروژې په قندهار، هرات، پروان، بلخ او کاپیسا ولایتونو کې د اوبو د ښه مدیریت، د سیلابونو زیانونو د مخنیوي او کرنې د ودې په موخه پیل شوې دي." چی شاوخوا له ۱۶۰۰۰ څخه زیاتې کورنۍ به له دې پروژو څخه ګټه پورته کړي.
د اوبو او انرژۍ وزارت سرپرست څرګنده کړه چې د اوبو لګولو سیستم ښه والی د افغانانو په ژوند کې اغیزمن دي او ښاغلی خُلمی زیاته کړه "د اوبو او انرژۍ وزارت په هیواد کې د اوبو د سم مدیریت کولو لپاره په درې محورونو کې (د اوبو د سرچینو پیژندل، پراختیا او مدیریت ) کار کوي. چی د کانالونو او د سواحلو تحکیمات یو له هغو پلانونو څخه دی چې د اوبو سم مدیریت کولو لپاره اغیزمن دی."
په ورته وخت کې ، آغلی ذکیه سنګین، ښاغلی رییس عبدالخالق، ښاغلی انجنیر میر حیدر افضلي ، ښاغلی سید طاها صادق او ښاغلی خلیل احمد مجاهد د ولسي جرګې غړو د اوبو او انرژي وزارت مشرتابه څخه قدردانی وکړه او د دې ټولګټو ۶ پروژو قراردادونه لاسلیک کول د هیواد د کرنې او اقتصاد د ودې لپاره یې یو اغیزمن ګام وباله.
د شپږو پروژو له جمله څخه چی د اوبو او انرژي وزارت او خصوصي شرکتونو ترمینځ لاسلیک شوی څلور پروژې ( د کندهار ولایت په پنجوایی ولسوالۍ کې د ۱ لات د ارغنداب سواحلو تحکیماتو بیارغونه، د پروان ولایت په بگرام او سید خیل ولسوالیو کې د۱ لات او ۲ لات د غوربند سواحلو تحکیماتو بیارغونه او د کاپیسا ولایت په حصه اول ولسوالۍ کې د ۱ لات د پنجشیر صیاد سواحلو تحکیماتو بیارغونه ) د سواحلو تحکیماتو پروژې دی او دوه نورې پروژې( د هرات ولایت په کهسان ولسوالۍ کې د کهسان کانال بیارغونه او د کلستر لکو، قچر او چوچمن کانالونو بیارغونه) د کانالونو بیارغونه پروژې دی.
دا پروژې د ۴۱۰۹۵۲۰۰۰ په ارزښت د د نړیوال بانک په تمویل سره تطبیق کیږی چی د یادو پروژو په بشپړیدو سره به د ۱۶۰۰ هکتاره کرنیزې ځمکې خړوبیږي او همدارنګه شاوخوا ۱۶۸۰۰ کورنۍ تړی ګټه پورته کوي.
