په هلمند ولایت کې د سنګین کانال او د هلمند سیند څنډو د تحکیم پروژې چارې ۲۵ سلنه بشپړې شوې دي
۱۴۴۸/۶/۱۰ هـ.ق مطابق ۱۴۰۵/۸/۳۰ هـ.ل
د هلمند سیندیزې فرعي حوزې ریاست مسؤلینو د سنګین ولسوالي اړوند په میانرودي سیمه کې د سنګین کانال او د هلمند سیند څنډو د تحکیم پروژې د چارو له بهیر څخه څارنه وکړه.
د یادې پروژې چارې چې په ټولیزه توګه د شاوخوا ۲۷۴ زره امریکایي ډالرو په لګښت پرمخ وړل کېږي، تر اوسه پورې ۲۵ سلنه بشپړې شوې دي.
په دغه پروژه کې د ۵۱۵ متره په اوږدوالي د سیند څنډو تحکیم او د ۵۱۵ متره په اوږدوالي د یاد کانال بنسټیزه رغونه شامله ده.
