په ننګرهار ولایت کې د روغانو کلي د سربند او تحکیماتې دېوال جوړولو او د کانال د پاکاري پروژې چارې پرانیستل شوې
د ننګرهار ولایت د روداتو ولسوالي د روغانو کلي د سربند او تحکیماتې دېوال جوړولو او د کانال د پاکاري پروژې چارې د ننګرهار سیندیزې فرعي حوزې رئیس الحاج سید فضل احد هاشمي، د WFP دفتر مسئولینو او یو شمېر نورو سیمه ییزو مسئولینو په شتون کې پرانیستل شوې.
یاده پروژه د WFP دفتر په مالي ملاتړ د افغانستان د بشپړې پراختیا موسسې په تخنیکې همکاري سره ترسره کېږي.
په یاده پروژه کې د 35 متره په اوږدوالې سره د سربند جوړول، د 12 کیلومتره په اوږدوالې سره د کانال پاکارې او د 600 متره په اوږدوالې سره د تحکیماتې دېوال جوړول شامل دي چې 750 تنه کاریګرو ته پکې د کار زمینه چمتو کېږي.
د یادولو وړ ده چې د یادې پروژې په بشپړېدو سره به 4000 جریبه کرنیزه ځمکه خړوبه شې.
همدارنګه، د ننګرهار سیندیزې فرعي حوزې تخنیکي ټیم د حصارک کلي د سربند څخه څارنه وکړه.
