په فراه ولایت کې د بخش آباد بند د بانکي حساب د اطلاع رسونې په موخه د همغږي ناسته ترسره شوه
یاده ناسته د اوبو او انرژي وزرات د مقام ستر اقتصادي سلاکار محترم الحاج حارث زرمتي، د اطلاعاتو او نشراتو رئيس محترم الحاج غلام جیلاني حق پرست، د دې وزارت مالي رئيس محترم فیض الله عزیزي او همدارنګه د خصوصي بانکونو د استازو په ګډون د اوبو او انرژي وزرات د مقام د دفتر په عمومي ریاست کې ترسره شوه.
په دې ناسته کې، په فراه ولایت کې د بخش آباد بند بانکي حساب ته د خلکو د پام د جلبولو په موخه د اطلاع رسونې چارو د پرمخ وړلو په هکله بحث او د اندونو تبادله وشوه.
د اوبو او انرژي وزارت مسؤلینو د فراه ولایت د بخش آباد بند بانکي حساب د اطلاع رسونې په برخه کې د خصوصي بانکونو څخه د همکاري غوښتنه وکړه.
د یادونې وړ ده، چې نوموړی بانکي حساب د فراه ولایت د بخش آباد بند د جوړولو لپاره د ولسي مرستو د راټولولو په موخه جوړ شوی دی.
