په بهرنیو چارو وزارت کې د اوبو، امنیت، سولې او د اقلیم بدلونونو تر عنوان لاندې د اوبو متخصصانو او پالیسۍ جوړونکو ګډه ناسته
د اوبو او انرژي وزارت متخصصانو او د بهرنیو چارو وزارت چارواکو ترمنځ د اوبو، امنیت، سولې او د اقلیم بدلونونو تر عنوان لاندې ګډه ناسته د اوبو او انرژي وزارت د اوبو مرستیال ښاغلی انجنیر خان محمد تکل، د امنیتی همکاریو او د سرحداتو چارو عمومی رییس او یو شمیر نورو نړیوالو کارپوهانو په حضور سره د بهرنیو چارو وزارت لخوا ترسره شوه.
په دغه ناسته چی د پوهاوي د سطحی لوړول، تخنیکي ظرفیت لوړول او د تخنیکي او پالیسۍ جوړونکو کارمندانو ترمنځ غوره همغږي په موخه جوړه شوې وه، او د پولو څخه د وتونکو اوبو مدیریت، د ګاونډیو هیوادونو ترمنځ په امنیت او سوله کې د هغه رول او د پولو څخه د وتونکو اوبو د استعمال په ساحه کې د هیوادونو ترمنځ د ګډو همکاریو لارو موضوعاتو په اړه بحثونو او خبرې اترې ترسره شوی.
د اوبو او انرژي وزارت د اوبو مرستیال ښاغلی انجنیر خان محمد تکل د پوهاوي سطحی لوړول او د تخنیکي او پالیسۍ جوړونکو کارمندانو همغږي لپاره د دغه ناسته یی ترسره کول اړین وبله او د ورته برنامو په دوام یی ټینګار وکړ.
همدارنګه پدې ناسته کې نړیوالو کارپوهانو د اقلیم بدلونونه او تاثیرات، د فرامرزی همکاریو میتودونه او د پولو څخه د وتونکو اوبو غوره مدیریت او د اوبو دیپلوماسی په موخه د هیوادونو ترمنځ د مینځګړیتوب شرایط په اړه هم توضیحات ورکړل.
------------------------------
