په بادغیس ولایت کې د سطحي اوبو (مرغاب سیند) څخه د ګټې اخیستنې په موخه د سولري پمپونو د مسودې طرحې په اړه د نظر غوښتنې جلسه ترسره شوه.
دغه جلسه د اوبو د چارو د تنظیم ملي ادارې د کابل سیندیزې حوزې عمومي رئيسې انجنیر فومن فروغ او د ادارې د مقام د دفتر رئيس انجنیر همت الله امین زی په شتون کې چې د کرنې او مالدارۍ، د صنعت او تجارت، د کلو بیارغونې او پراختیا وزارت او یو شمېر نورو ادارو مسؤلینو ګډون درلود تر سره شوه.
په دغه جلسه کې د کابل سیندیزې حوزې عمومي رئيسې انجنیر فومن فروغ د کرنې لپاره د بادغیس ولایت د سطحي اوبو څخه د ګټې اخیستنې په موخه د سولري پمپونو مسودې طرحه د جمهوري ریاست عالي مقام د اوبو، ځمکې، ښاري پراختیا او چاپيریال ساتنې عالي شورا د مصوبې په اساس چې د اوبو د چارو د تنظیم ملي ادارې لخوا جوړه شوې وه د یو پرزنټېشن له لارې ګډونوالو ته وړاندې شوه.
دغه طرحه په بادغیس ولای کې د مرغاب سیند اوبو څخه د غوره استفادې، د کرنې پراختیا او خلکو ته د کارموندنې په موخه جوړه شوې.
د دغې جلسې یو شمېر ګډونوالو د دغې مسودې ابتدايي طرحې قدرداني وکړه او یادې طرحې د غني کولو په موخه یې خپل وړاندیزونه واورول.
د اوبو د چارو د تنظیم ملي اداره
