په اوبو او انرژي وزارت کې د ښځو پر وړاندې د تاوتریخوالي د مخنیوي د نړیوالې ورځې لمانځله وشوه
د ښځو پر وړاندې د تاوتریخوالي د مخنیوي د نړیوالې ورځې( د نوامبر میاشتی د ۲۵ مه نیټه) د اوبو او انرژي وزارت سرپرست انجنیر محمد گل خُلمی په حضور سره د دې وزارت په کنفرانسونو تالار کې رسما ولمانځل شوه.
ښاغلی خُلمی پدې برنامه کې په دولتي اداراتو کې د ښځو شتون او د ټولنې پرمختیا کې د ښځو موقعیت د اهمیت یادونه ترڅنګ وویل: " له نېکه مرغه په اوبو او انرژي وزارت کې د ښځو لپاره د کاري چاپیریال په بشپړ ډول چمتو شوی او اوس ډیری ښځینه کادرونه په اوبو او انرژي وزارت کې کار کوي."
د اوبو او انرژي وزارت سرپرست پدې وزارت کې د یو شمیر زیاتو ښځو استخدام کولو څخه یادونه وکړه او ټینګار وکړ چی موږ هڅه کوو ترسو د کاري چاپیریال رامنځته کړو چیرې چې هیڅ ډول تبعیض یا تاوتریخوالی شتون نلري.
په ورته وخت کې، د بشري سرچینو رییس بریالی امین او د جنډر آمره عاقله هاشمي د تاوتریخوالي مسلو په ګوته کړل او د ښځو پروړاندې د تاوتریخوالي د مخنیوي لارو په اړه هم خبرې وکړې.
دا په داسي حال کی دی چی د افغانستان په قوانیونو کې د ښځو پر وړاندې د تاوتریخوالي د مخنیوي یوه مهمه مسله ده او هر ډول جنسي تبعیض د قانون سره سم جرم دی.
