په اسلام کې د فردي او ټولنیز ژوند په هکله د دعوت او ارشاد روزنیز او اصلاحي سیمینار ترسره شو
یاد سیمینار د اوبو او انرژي وزارت د کنفرانسونو په تالار کې د یاد وزارت د دعوت او ارشاد د رئیس مولوي ګل رحمن عارف او ګڼ شمیر کارمندانو په ګډون ترسره شو.
په یاد سیمینار کې ښاغلي مولوي عارف، د اسلام په سپیڅلي دین کې د فردي او ټولنیز ژوند د طریقي په هکله وینا وکړه او د ژوند په ټولو چارو کې یې د اسلام سپیڅلي دین د احکامو او د پیغمبر اکرم (ص) د سنت پیروي ارزښتناک وبلل.
د اوبو او انرژي وزارت د دعوت او ارشاد رئیس، د خپلو خبرو په ترڅ کې د اسلام د پیغمبر (ص) د ژوند طریقه ټولو مسلمانانو ته یوه بشپړه بیلګه وبلله او په فردي او ټولنیزو چارو کې یې د پیغمبر اکرم(ص) د سنتو پر رعایتولو باندې ټینګار وکړ.
د یادونې وړ ده، چې د اوبو او انرژي وزارت د دعوت او ارشاد ریاست رونیز او اصلاحي سیمینارونه په دوامداره توګه ترسره کېږي او د بېلابېلو موضوعاتو په هکله پوهاوی او اړین ارشادات پکي وړاندې کېږي.
