هلمند ولایت کې د اوبو د یوه کوچني بند د جوړېدو چارې د څه باندې درې میلیونه افغانیو په لګښت پیل شوې
د هلمند ولایت د ګرمسیر ولسوالي په صفار سیمه کې د اوبو د یوه کوچني بند د جوړېدو چارې د ۳ میلیونه ۲ سوه او ۵۲ زره افغانیو په لګښت پيل شوې.
دغه بند د ۶۲ متره په اوږدوالي او ۴ متره لوړوالي سره جوړیږي، چې د ۶۲۰۰ متره مکعب اوبو د زېرمه کولو وړتیا به ولري.
د نوموړي بند چارې د اوبو او انرژي وزارت په مالي لګښت د هلمند د سیندیزې حوزې تر څارنې لاندې پرمخ وړل کېږي، چې چارې به یې د دوو میاشتو په موده کې بشپړې او ګټې اخیستنې ته وسپارل شي.
