هرات ولایت کې د باران اوبو راټولولو جذبي څاګانو کېندلو د ارزښت او اغېزمنتیا په هکله ناسته ترسره شوه
د هرات د اوبو او انرژي رئيس او د دغه ریاست تخنیکي ټیم د تېلو ټانکونو ټولنې له رئيس او غړو سره د یوې ناستې په ترڅ کې د تېلو ټانکونو په انګړ کې د باران اوبو راټولولو جذبي څاګانو کېندلو د ارزښت او اغېزمنتیا او میټرونو د نصب په هکله بحث او د اندونو تبادله وکړه.
همدارنګه، د نوموړي ریاست تخنیکي ټیم په دغه ناسته کې د جذبي څاګانو کېندلو د ارزښت، څرنګوالي او په دې برخه کې د تېلو ټانکونو د خاوندانو د رول په هکله اړین معلومات وړاندې کړل.
په ورته مهال، د تېلو ټانکونو ټولنې رئيس او غړو د تېلو ټانکونو په انګړ کې د جذبي څاګانو د کېندلو په برخه کې د همکاري ژمنه وکړه.
