ننګرهار ولایت کې د چغرې چکډم سیمه اړوند قراردادي شرکت ته وسپارل شوه
د ننګرهار د اوبو او انرژي ریاست مسؤلینو د دغه ولایت د چپرهار ولسوالي اړوند د چغرې کلي چکډم سیمه د اړوند قراردادي شرکت مسؤلینو ته وسپارله او هغوی ته یې د پروژې د غوره کیفیت او په ټاکلي وخت باندې د چارو د پای ته رسولو په موخه اړینې لارښوونې وکړې.
همدغه راز، د ننګرهار د اوبو او انرژي ریاست مسؤلینو د دغه ولایت په مومندرې ولسوالي کې د ویالو د پاکاري او بیارغونې د چارو له بهیر څخه څارنه وکړه او اړوندو مسؤلینو ته د چارو د غوره پرمخ وړلو په موخه اړینې لارښوونې وکړې.
د یادونې وړ ده، چې د ویالو د پاکاري او بیارغونې پروژې چارې د جی، اې، ان، اچ، او موسسې په مالي لګښت د ننګرهار د اوبو او انرژي ریاست تر څارنې لاندې پرمخ وړل کېږي، چې پکې ګڼ شمېر کسانو ته د کار زمینه چمتو شوې ده.
