میدان وردګ ولایت کې د اوبو دوه کوچني بندونه د نږدې لس¬نیم میلیونه افغانیو په ارزښت ګټې اخیستنې ته وسپارل شول

د میدان وردګ ولایت په لومړۍ حصه بهسود او مرکز بهسود ولسوالیو کې د اوبو دوه کوچني بندونه د 10.4 میلیونه افغانیو په ارزښت د کابل سیندیزې حوزې د عمومي رئيس محترم انجنیر محمد عارف مومند، د میدان وردګ ولایت مقام د دفتر رئيس محترم مفتي محمد ضابط حارث، د میدان ښار سیندیزې حوزې رئيس محترم مولوي عبدالصمد حلیم او یو شمېر نورو مسؤلینو په شتون کې ګټې اخیستنې ته وسپارل شول.

دغه بندونه چې د ۹۰ زره متره مکعب اوبو د زېرمه کولو وړتیا لري، چارې یې د اوبو او انرژي وزارت له پراختیایي بودجې څخه د میدان ښار سیندیزې حوزې ترڅارنې لاندې پرمخ وړل کېدې.

د یادونې وړده، چې د اوبو او انرژي وزارت له پلان سره سم د میدان ودرګ ولایت په ټولو ولسوالیو کې د اوبو د یوه کوچني بند پروژې پلي کول بشپړ شول.